AHMET ARİF: 1927 de Dîyarbekir de ameyo dinya. Per werdeyîya xo ya mîyanêne Dîyarbekir de qedîneno û bade cû Unîversîteya Anqare de Fakulteya Ziwan, Tarîx û Coxrafya de (DTCG) şaxê Felsefeyî de waneno. La hema ke wendekarê nê şaxî bîyo semedê fîkranê xo yê sîyasîyan ra çend hew tepîşyeno û erzîyeno hepis. Perwerdeyîya lîsansê xo nêeşkeno temam bikero. Badê ke heps ra vejîno Anqare de maneno û uca de ciwîyeno. Çend rojname, kovar û weşanxaneyan de karê teknîkî û nuştişî de xebetîno. 2yê Hezîrane 1991î de An qare de dinyaya xo bedilnaya. Bi tek kitabê xo; “Mi Hesretê To ver Qeydûbendî Kerdî Kehan”î edebîyatê Tirkî de bîyo namdar û heta nika no kitabê ey bîyo kitabanê ke tewr zaf ameyê çapkerdene ra yew. Şîîranê ey de kulturê Anatolî ra, kurdan ra, Dîyarbekir ra, cuyê merdimanê ma ra, feqîrî ra, egîdî ra, neheqî ra, pêrodayîş ra, heskerdiş ra, nat û wetê cuye ra zaf nimuneyî estî. Şîîrê ey bi yew ahengeko berz û ziwanêko fesîh nusîyayê. Badê mergê Şaîrî 1992 de bi nameyê; “Cemal Sureya rê Nameyî” nameyê ey û dima zî 2003 de şîîranê eyê ke kitabê ey de ca nêdîyaybî ci, bi nameyê; “Welatê Min o Şahdamar” weşanîyayê. Şîîrê Ahmet Arifî verê cu açarnîyaybî lehçeya kurmanckî, bi na xebate ma êdî şînê bi lehçeya zazakî/kirdkî zî şîîranê ey biwanî.

NEWZAT VALÊRÎ: 1976 de Dara Hênî ya Çewlîgî de ame yo dinya. Edebîyat û ziwanê Tirkî ser o perwerdeyîya lîsansê dî û dime ra zî derheqê edebîyatê tirkan û tirkî de master kerd. Edebîyat û folklorî ser o xebetîyayo, dorûverê Çewlîgî ra tayê nimûneyê folklorî arê dayê. Seba têvernayîşî edebîyatê kirdkî, kurmanckî, tirkî û fariskî xebate kerde. Kirdkî zaf şîîrî, nuşteyî û tercumeyê ey kovaran û rojnameyan de weşanîyayê. Tirkî ra tayî şîîrî açarnayê kirdkî. Kovaranê sey Vate, Nûbîhar û Tîroj û rojnameyan sey Newepel de xeylê şîîr, tercume û nuşteyê ey weşanîyayê. Yew şîîra ey 2007 de Înstîtutê Zi wan û Kulturê Kirmanckî (Zazakî) yê Berlînî ra xelata ye wine girewte. Çend şîîrê ey; “Şaîranê Zîncîrîyê: Festîvala Ye wina Şîîranê Mîyanneteweyî” de tadîyayê çend ziwanan.. “Dejê Nimiteyî” kitabê ey o verên o û 2009 de Weşanxaneyê Vateyî de ameyo çapkerdene. Nika Îstanbul û Anqare de ciwîyeno.