Hûmara kovara “Folklora Me”  ya aşmanê hezîrane, temmuze û tebaxe verê şima de ya. Tedeyîya Folklora Me de folklorê kurdan ser o xebat û cigêrayîşî ca gênê. Na hûmare de zî xeylêk nuşteyî estê ke folklorê kurdan ser o yê.

Na hûmare de, nuşteyê sey “Seyahetnameyê Ewlîya Çelebîyî de Meletî”, “Folklor, Îdeolojî û Neteweperwerî”, “Mem û Zînê Ehmedê Xanî de Rengvedanê Efsaneye”, “Heywananê Mintiqê Silopyaye/Şirnaxe Ser o Çend Vatişî”, “Serhedî ra Di Meselikî” û sewbîna nuşteyî ca gênê. Nînan reyde rêzenuşteyê  Bahoz Baranî  yê bi nameyê “Çekuyê Pasûrî yê ke Tay Yenê Naskerdene” bi beşê xo yê 2yînî tedeyîya kovare de xo rê ca gêno.

Folklora Me her hûmara xo de ca dano xebatanê arêdayîşî û çîyanê dîyayîşkîyan. Folklora Me hîrê aşman de reyêk weşanîyena.