Xebat û amadekarîya nêzdîyê yew serre ra dima, kovara “Folklora Me” hetê komê folklorî yê Weqfa Mezopotamya ra, bi sloganê “Zargotin pişt e, Folklor her tişt e” dest bi weşanî kerd. Tedeyîya Folklora Me de folklorê kurdan ser o xebat û cigêrayîşî ca gênê. Folklora Ma cehd keno ke ca bido heme babetanê folklorî yê sey muzîk, folklor, werdene û şimitene, kinc û kol, urf û edet û rîtuelan.  Kovare cehd kena ke nê malzemeyan arêdo û nînan ser o analîzan amade bikero.

Na hûmare de nuşteyê sey “Çar Meselikê Dewa Pîranî”, “Çend Notî Arêdayîşê Edebîyatê Kurdî ya Gelêrî Ser o”, “Morfolojîya Sanika Bengîne”, “Sanike û Deyîra Seydikoyî”, “Kutikan Ser o Vateyê Verênan”, “Nameyê Dewanê Silopyaye” û sewbîna nuşteyî ca gênê.

Eşref Keydanî edîtorîya kovare keno û heyetê weşane cigêrayox û folklorîst prof. dr Celîlê Celîlî ya şeş kesan ra yena pê. Folklora Me hîrê aşman de reyêk vejîyena.