Hejmara mehên îlon, çirîya pêşîn û çirîya paşîn kovara “Folklora Me”yê li ber destê we ye. Di rûpelên “Folklora Me”yê da xebat û lêkolînên li ser folklora kurdî cih digirin. Di vê hejmarê da jî gelek nivîsên derbarê folklora kurdan da hene.

Di hejmara me ya vê carê da 22 nivîsên curbicur hene. Ji van nivîsan çar bi zaravayên kirmanckî, heçî yên mayî bi kurmancî ne. Ji nivîsên kirmanckî yek heye stranek e (deyîr) ku berîya 30 salî hatîye qeydkirin. Dîsa berhevkarîya Celîlê Celîlî ya 34 sal berê li Rojavayê kirîye cihê kêfxweşî  û serbilindîyê. Di vê hejmarê da jî me du guhertoyên meseloka/çîroka "Pîrê û dîko/Dîk û pîrê" li pey hev dan ku her yek ji wan li herêmeka cuda hatîye berhevkirin. 

Nivîskarên û berhevkarên vê kovarê ên nû; Şeyma Orhan, Habîbe Polattag, Emîn Ozdemîr, Mehmet Olmez, M. Seîd Temel, Rêdî Seîd. Farûk Çetînkaplan in.