Piştî xebat û amadekarîya nêzî salekê, Kovara "Folklora Me" ji alîyê Koma Folklorê ya Weqfa Mezopotamyayê, bi dirûşmê "Zargotin pişt e, Folklor her tişt e" dest bi weşanê kir. Di rûpelên "Folklora Me" da xebat û lêkolînên li ser folklora Kurdî cih digrin. Folklora Me hewl dide ku cih bide hemû mijarên folklorê. Wekî; muzîk, zargotin, xwarin û vexwarin, cil û berg, edet û tore, rîtuel û hewl dide ku van keresteyan berhev û analîz  bike.

Di vê hejmarê da, nivîsên weke “Çar meselokên gundê Pîranê”, “Çend nîşe derbarê berhevkarîya edebîyata kurdî ya gelêrî da”, “Morfolojîya Çîroka Bengînê”, “Çîrok û strana Seydikoyê”, “Li ser kûçikan gotinên pêşîyan”, “Navên gundên Silopyayê” û hinên din cih girtine.

Eşref Keydanî edîtorîya kovarê dike, lijneya weşanê  ji 6 kesan pêk dihê û nivîskar, lêkolîner û dîroknas Prof. Dr. Celîlê Celîl jî di lijneya wêşanê da cih digire. Folklora Me dê sê mehan carekê derkeve.