Hûmara kovara “Folklora Me” ya aşmanê adare, nîsane û gulane verê şima de ya. Folklora Me na hûmare de wesar kerdo babeta xo ya esasî; qalê muhîmîya demserra wesarî û muhîmîya ey a seba şarê kurdî kerdo. Na hûmare de reyna derheqê  folklorê kurdan de cigêrayîş û erjnayîşî ameyê weşanayene.

Zeynep Yaşe na hûmare de qalê “Amênê Penîrê Koçeran û Penîrê Çaleyî” kerdo. Mehmet Yildirimçakarî beşê rêzenuşteyê xo yo dîyin o bi nameyê "Lurikê Qelqelîyê” nuşto. Yûsif Hêşetîyî “Demserrê Serre”, Mahîr Ugurî “Zewtê Mintiqaya Meletî”, Kurdjan Sorîyî “Padîşah û Wezîr”, Elîf Gunduze “Nanê Binê Adirî”, Mehpûs Serhedî beşê “Çibenokê Qerejdaxî” yo yewin nuşto, Hikmet Yildizî “Xaçepersê Folklorî” amade kerdo û çend  nuşteyê nuştoxanê bînan yê tewir bi tewirî tedeyîya kovare de ca gênê.

Folklora Me her hûmara xo de ca dano xebatanê arêdayîşî û çîyanê dîyayîşkîyan. Folklora Me hîrê aşman de reyêk weşanîyena.