Stranên Dawetan

Perwerde û pûtepêdana sazî û dezgehên akademîk yên berhevkarîya çanda zarkî û folklorê dike ku her roj hejmara berhevkaran zêde bibe. Her yek ji wan berhevkaran hewil didin li gund û bajarê xwe, ji dê û bavề xwe, ji dapîr û bapîrê xwe yan jî ji derdora xwe kereste û berhemên folklorê berhev bikin û wan bi rêya kovar û pirtûkan belav bikin.

Pirtûka Stranên Dawetan, Stranên Serê Bûk, Serê Zava û Govendê yên Farqîn, Pasûr û Batmanê jî hewildaneka bi vî rengî ye. Bêrîvan Matyar jî yek ji wan berhevkaran e ku ew 8 sal in, li gund û navçeyên Amedê Farqîn û Pasûrê; herweha li Batmanê gerîyaye û wê stranên dawetan berhev kirine. Wê ji ser zarê 12 jinan 143 stran qeyd kirine ku ev pirtûk ji van stranan pêk tê.

Di pirtûkê da, ne bi tenê stranên dawetan hene, herweha Bêrîvan Matyarê cih daye pêvajoya berhevkarîya xwe ku wê çawa ev stran berhev kirine. Bi gotineka din, wê behsa rê û rêbazên berhevkarîyê jî kirîye. Li gel vê, wê behsa rê û rêbazên nivîsîn û notakirina van stranan jî kirîye. Ev jî nîşan didin ku ev pirtûk, derbarê berhevkarî, devok û herêmê da zanyarîyên giring dide berhevkar, xwîner, lêkoler û muzîkjenan