Li Ser Amadekirina Vê Pirtûkê Li Batmanê rojên şanoyê, kurtefilmên kurdî, festîval û hwd. tên lidarxistin. Derfet çêbûn ku li hin şanoyan temaşe bikim, guhdariya hin panelan bikim. Wan rojan li cihna min navê şanoya Dayîka Niştiman bihîstibû. Li gor ku min bihîstibû, yekemîn şano ye ku bi kurdî hatiye lîstin. Lê ewqasî li ser dîrok û giringiya wê neserwext bûm. Di mêjiyê min de her tim ev şano diçû û dihat. Bi vê meramê min bi baldarî li beşdarvanên panelê guhdar kir. Piraniya beşdarvanên panelê mijar dibir ser girîngiya şanoya bindestî, netewî û hwd. Lê min nebihîst ku kesekî qala şanoya Dayîka Niştiman kir