Rêbera Rastnivîsînê [Rayberê Rastnuştişî] seba rastnuştişêkê standardî û bi haweyêkê kolektîfî ameyo amadekerdene. Rastnuştiş, qaydeyanê ziwanê nuştişî kifş keno û vernîya têmîyanekîyan gêno. Kurmanckîya nuştekîye, goreyê demanê verênan ewro xeylêk wareyanê cuye de yena şuxulnayene û coka îhtîyacîya aye bi rayberêkê rastnuştişî esta. Seba nuşteyêkê baş, întîzamin, fehmbar û nînan reyde seba vernîgirewtişê têmîyanekî û sergêjîyan qaydeyê zelalî şert ê. Coka wexto ke bingehanê beyntarînan ser o qaydeyê rastnuştişî bibê, wendiş asanêr û zelalêr beno û vernîya xeletfamkerdişî gerîyena. Nê kîtabî de bi desan babetê raştnuştişî ameyê erjnayene û formê standardî seba ziwanê nuştekîyî ameyê pêşnîyazkerdene.