Hûmara kovara “Folklora Me” ya aşmanê hezîrane, temmuze û tebaxe verê şima de ya. Folklora Me nuşte û arêdayîşanê folklorî ra yena pê, ca dana nuşteyanê ke bi dîyalektanê kurmanckî û kirmanckî ameyê nuştene. Na hûmare de înan ra di hebî bi kirmanckî, 21 hebî zî bi kurmanckî pêro pîya 23 nuşteyî folklorî ser o estê. Perîhan Kaya, nuşteyê xo yê bi kirmanckî de qalê werdê “Gebole” kerdo û arêdayoxê sêwregijî Yakup Taşçî zî yew hîkaye pêşkeş kerda. Na humare de mintiqaya Torî ra Nasir Torî bi yew meselike, Silîvan ra Sosina Farqînî bi sanika Ahmedê Silîvî û Xece ya, Şemzînan ra Jîyan û Rojdaye bi werdê “Rişterûn”î ya,  Pasûr ra Ayela Zartoye hêluge ser o bi cigêrayîşêkî ya, Agirî ra Fatma Şahîne heywankarî û citkarîye ser o bi ferhengê xo yê tematikî ya ca girewto.

Folklora Me her hûmara xo de ca dano xebatanê arêdayîşî û çîyanê dîyayîşkîyan. Folklora Me hîrê aşman de reyêk weşanîyena.