Hûmara kovara “Folklora Me” ya aşmanê kanûne, çele û sibate verê şima de ya. Na hûmare de folklorî ser o xeylêk babetê cîya-cîyayî ca gênê. Na hûmare de arêdayîşê beşê folklorî yê cîyayî û binbeşê înan, maqaleyê tewir bi tewirî, xaçepersê folklorî, ferhengokê çekuyan û roportajî ameyê hedrekerdene û weşanayene.

Kovare, na hûmare de ca dayo "Lurikê Qelqelîyê” ke Mehmet Yildirimçakarî arê dayo. Ahmet Seyarî verê xo dayo destananê kurdkî û nê destananê kurdan yê epîkan de rol û kargerîya cinîyan ser o bi teferuat nuşto. Cemîl Şêlazî, maqaleya xo ya bi herfanê aramî de, heyranokan de şuxulnayîşê zewtan ser o vinderto. Mem Mukrîyanî vaşan ser o nuşto. Na hûmare de tayê arêdayoxê ciwanî estê ke çimê merdimî gineno xebatanê înan: Elîf Gun, Simko Sonmez, Helbest Çetîn, Hîkmet Yildiz û Vîldan Sevîm.

Folklora Me her hûmara xo de ca dano xebatanê arêdayîşî û çîyanê dîyayîşkîyan. Folklora Me hîrê aşman de reyêk weşanîyena.